මෙම කෘතිය තුළ අන්තර්ගත වන්නේ සිංහයාගේ ජනතාව යන තේමාව යටතේ මහාචාර්ය ආර්.ඒ.එල්.එච්.ගුණවර්ධන සහ මහාචාර්ය කේ.එන්. ඕ. ධර්මදාස අතර ඇති වූ ශාස්‌ත්‍රාලීය විවාදයක සිංහල පරිවර්තනය යි.මෙම විවාදය තුළ දී සිංහල අනන්‍යතාවයේ ප්‍රභවය,ඓතිහාසික විකාශනය මෙන් ම යටත් විජිත හා පශ්චාත් යටත් විජිත කතිකාමය පසුබිම තුළ එහි ඇති වූ පරිවර්තනයන් සාකච්චා වෙයි. එසේ ම සිංහලයට ජනවාර්ගික වාදයේ බලපෑම ,ඉතිහාසය හා ඉතිහාස වේදය යන අංශ වල සිදු වූ බලපෑම විමසා බැලෙයි.සමකාලීන ලාංකේය ජනවාර්ගික,ජාතිවාදී දේශපාලනයේ සංකීර්ණතා හඳුනා ගැනීමෙහි ලා ඉතා වැදගත් බුද්ධිමය විදර්ශනාවක් සම්පාදනය කළ මෙම විවාදය සිංහලෙන් පලවන පළමු කෘතිය මෙය වේ.